Павага да Рэспублікі Беларусь і яе сімвалаў – у цэнтры мерапрыемстваў, што адбыліся з удзелам міжэрыцкіх дашкольнікаў

Павага да Рэспублікі Беларусь і яе сімвалаў – у цэнтры мерапрыемстваў, што адбыліся з удзелам міжэрыцкіх дашкольнікаў 

Напярэдадні 15 сакавіка ў дзіцячым садзе Міжэрыцкай базавай школы імя У.Ляха прайшлі мерапрыемствы, прысвечаныя Асноўнаму Закону краіны.

 15 сакавіка наша краіна адзначае дзяржаўнае свята – Дзень Канстытуцыі Рэспублікі Беларусь. З нагоды гэтай падзеі адбыліся разнастайныя мерапрыемствы, бо менавіта ў дашкольным узросце закладваюцца асновы патрыятызму, усведамлення сябе часткай дзяржавы, развіваецца пазнавальны інтарэс да падзей, якія адбываюцца вакол нас.

З мэтай пашырэння ў дзіцячым асяроддзі ведаў пра дзяржаву, гарантаваныя ёю правы і абавязкі прайшлі акцыя «Праспяваем гімн разам», тэматычныя заняткі «Я – грамадзянін Рэспублікі Беларусь», «Сімвалы маёй краіны». Выхаванцы прымалі ўдзел у дыдактычных гульнях: "Адгадай права", "Правы ў казках”, удзельнічалі ў гутарках-развагах з разглядам ілюстрацый "Правы дзіцяці", "Якія ў дзяцей абавязкі?". Дзеці разам з выхавальнікамі наведалі чытальную залу Міжэрыцкай бібліятэкі, дзе з вялікім задавальненнем разглядалі кнігі пра Беларусь, дзіцячыя часопісы.

Такія мерапрыемствы сапраўды неацэнныя: яны спрыяюць пашырэнню дзіцячых уяўленняў аб дзяржаве і дзяржаўных сімвалах Рэспублікі Беларусь, правах грамадзяніна, выхаванню ў дзяцей любові да Радзімы, гонару за яе дасягненні.

Выхавальнік дашкольнай адукацыі Алена Ганчар

Интересные и актуальные новости Зельвенского района в нашем Telegram-канале. Подписывайтесь по ссылке!