Рукі трэба часаць аб скульптуры, або Культура адпачынку зэльвенцаў

Люблю Зэльву. За прыгажосць, утульнасць і чысціню. Любяць яе і мае сябры з Расіі за тое хараство, што цешыць вока. Летам прыязжалі ў чарговы раз і з цікавасцю назіралі, як пасёлак рыхтуецца да Ганненскага кірмашу. Захапляцца сапраўды было чым: у райцэнтры з’явіліся выразныя шыльды, ілюстраваныя ўказальнікі для турыста, масіўныя дубовыя лаўкі ў парку, фотазона ў вы-глядзе аркі і шыкоўнае дэкаратыўнае крэсла ў цэнтральным скверы. Як і многія мясцовыя жыхары, мае знаёмыя зрабілі шмат фота на памяць…

На жаль, падобных здымкаў ужо не атрымаецца. Чаму? Не прайшло і месяца, як белыя кветкі, што абрамлялі спінку і падлакотнікі крэсла, былі вы-рваны са штучнага зялёнага пакрыцця, палова з іх знікла, астатнія – раскіданыя па газонах. Чыіх рук справа?

Як кажуць, не злоўлены – не злодзей. Каб не абвінавачваць нікога, работнікі камунальнай службы, якія адказвалі за ўстаноўку інсталяцыі, выказалі меркаванне, што гэта зрабілі сабакі. Нават смешна: нейкай жывёліне спатрэбіліся ненатуральныя букеты. Але, як бы там ні было, дэкаратыўнае крэсла, якое было цэнтрам прыцягнення ўвагі соцень людзей, стала дзіравае.

Што мы бачым цяпер? Выпаленыя цыгарэтамі дзіркі, па-дранае сядзенне і вельмі часта – шалупінне ад семачак, бутэлькі ад піва, іншае смецце. Праўда, з самай раніцы дворнікі ўсё падбіраюць, але вечарам – тая самая карціна. І нават, калі малеча гойсае і скача па крэсле, маладыя мамачкі не забараняюць ім гэта рабіць. Мала хто з тых, хто пакінуў смецце ці переблытаў дэкаратыўны элемент з батутам, рэагуе на заўвагі адказных асоб РУП ЖКГ ці інфармацыйную таблічку “Крэсла прызначана для фотаздымкі”.

Што гэта – адсутнасць удзячнасці за рэчы, дараваныя нам вось так, задарма? Значыць, дэкаратыўнымі элементамі ў другіх гарадах (напрыклад, да Дня горада ў Гродна з’явіліся жартоўныя ўрны, скульптуры турыстаў і г.д.) мы любуемся, хвалім аўтараў задумкі за арыгінальнасць, а свае ганьбім і знішчаем? Бо там лепшае, якаснае, прыгажэйшае, а тут пад бокам – ну, такое. Так?!

Вось і наша культура адпачынку, паважаныя. Між тым за ўсімі элементамі добраўпарадкавання крыюцца не толькі значныя грашовыя сродкі, але і руплівая праца людзей.

Яшчэ адзін момант. Цэнтральны сквер даўно стаў месцам збору моладзі. Усё было б выдатна, калі б падлеткі не сцягвалі лаўкі, расстаўленыя ўздоўж сцежак, у адно кола. Мала таго, што такія “камбінацыі” парушаюць эстэтыку сквера, дык яшчэ становяцца своеасаблівым сметнікам: каля іх заўжды застаюцца бутэлькі і пакеты ад розных ласункаў. І кожную працоўную раніцу дворнікі пачынаюць з таго, каб паставіць лаўкі на месца і прыбраць смецце. Колькі адказныя службы РУП ЖКГ і РАУС ні папярэджвалі юнакоў і дзяўчат, нічога не мяняецца.

Памятаеце казку пра Маленькага прынца, які падказаў адно залатое правіла?.. Канешне, сквер не казка, але і ў ім могуць адбывацца цуды, калі мы будзем паважаць адзін аднаго і тых, хто робіць нашу “планету” утульнай, чыстай і прыгожай.

Людміла Попка

Вам может быть интересно
6 комментариев
  1. Татьяна says

    Почему не ценить то, что нас окружает и делает поселок уютнее?

  2. katya rupina says

    И наказать некого…Хотя нет, сами себя наказываем, зельвенцы.

  3. ИгTrick says

    все это рук молодежи, и им не стыдно за свои поступки. Считают себя взрослыми современными городскими, а ведут как быд*о, уж простите за выражение.

  4. Таня says

    Интересно, поднялась бы рука дома прожечь диван?

  5. Лиза says

    Поймать бы одного такого вредителя, да заставить за свой счет восстановить скамейку. Десятому повадно не было б.

  6. Ольга555 says

    С этими скамейками совсем беда! Недавно хотела присесть на ближайшую, а нашла ее в другом месте и сразу три! Это кошмар какой то! Так и пришлось постоять.
    А вот сделать фото в фото зоне,пока не представился случай. А теперь уже думаю, к тому моменту когда представиться, уже нигде будет! Что за люди! Камеры везде нужно вешать и наказывать таких г….ов!

Leave A Reply

Этот сайт использует Akismet для борьбы со спамом. Узнайте как обрабатываются ваши данные комментариев.