Выхадны — працоўны
У час рэспубліканскага суботніка зэльвенцы па-працавалі на славу.
– Вельмі добра, што працоўныя калектывы і жыхары Зэльвеншчыны актыўна падтрымліваюць даўнюю традыцыю працоўных пачынаў і ў дні суботнікаў наводзяць узорны парадак, займаюцца будаўніцтвам і іншымі карыснымі справамі, – ад-значыў у час суботніка намеснік старшыні райвыканкама Дзмітрый Валюк.
На большасці працоўных пляцовак у Зэльве, дзе “кіпела” работа, пабываў карэспандэнт “Працы”.
Многія калектывы ў суботні дзень засталіся на сваіх рабочых месцах. Некаторыя накіраваліся ў сельгаспрадпрыемствы раёна дапамагчы ў правядзенні веснавых палявых работ. Як заўсёды, вялікая ўвага ўдзялялася добра-ўпарадкаванню тэрыторый прадпрыемстваў, устаноў і арганізацый раёна, дваровых тэрыторый, навядзенню парадку на могілках, месцах пахавання, каля помнікаў загінулым воінам.
Працоўным аб’ектам адказных асоб райвыканкама стала вуліца Перамогі, уздоўж якой яны высаджвалі маладыя дрэўцы.
Работнікі аддзела ўнутраных спраў чысціню і парадак наводзілі на сваёй тэрыторыі і непадалёку ад цэнтральнай раённай бальніцы – высякалі хмызнякі на старых могілках.
У мікрараёне “Паўночны” рупліва працавалі прадстаўнікі раённай інспекцыі прыродных рэсурсаў і аховы навакольнага асяроддзя, землеўпарадкавальнай службы. Яны ачышчалі мясцовасць ад хмызняку і смецця. Гэтым жа займаліся на сваёй тэрыторыі і работнікі сельгас-хіміі.
Было мнагалюдна і каля шматпавярховага дома жыллёва-будаўнічага кааператыва №10. Тут працавалі будаўнікі МПМК-148. Каля здадзенага ў эксплуатацыю ў канцы мінулага года аб’екта яны ачышчалі дваровую тэрыторыю ад смецця, раўнялі клумбы пад газонную траву.
Навядзеннем парадку на падведамасных тэрыторыях займаліся работнікі ясляў-сада №4, цэнтра творчасці дзяцей і моладзі, а таксама калектыў аддзела культуры. Яны прыбіралі смецце, фарбавалі агароджы, рабілі газоны, садзілі кветкі, бялілі дрэвы.
Вялікі аб’ём работ выканалі на вызначаным участку і прадстаўнікі прадпрыемства бытавога абслугоўвання.
Масавыя працоўныя дэсанты падраздзяленняў жыллёва-камунальнай гаспадаркі можна было бачыць не толькі на вытворчай базе і тэрыторыях кацельняў “Цэнтральная” і “Паўночная”, іншых аб’ектах прадпрыемства, але і на вуліцах райцэнтра.
У выніку дружнай і зладжанай работы за адзін суботні выхадны было зроблена нямала. Але ёсць яшчэ месцы, дзе неабходна не толькі навесці парадак, але і праявіць густ, каб зрабіць нашу Зэльвен-шчыну яшчэ больш прывабнай і ўтульнай.