Тыдзень беларускай мовы і культуры прайшоў у дзіцячым садзе в. Ялуцавiчы

Савет педагогаў дзiцячага сада в. Ялуцавiчы вырашыў прысвяцiць Міжнароднаму дню роднай мовы цэлы Тыдзень беларускай мовы і культуры.

Першы тэматычны дзень “Мой родны кут, як ты мне мілы!” быў прысвечаны беларускім народным песням і танцам. Дзеці разам з музычным кіраўніком Таццянай Чарняк слухалі і самі спявалі песні на беларускай мове, выканалі танец “Бульба”.

Другі дзень прайшоў пад дэвiзам “Каб мова беларуская гучала”. Дзеці чыталі вершы на роднай мове. У трэці – кіраўнік фізічнага выхавання Валянціна Раманчык правяла фізкультурныя заняткі з выкарыстаннем беларускіх народных гульняў.

На наступны дзень мы вырашылі арганізаваць свята беларускай бульбы. Пад кіраўніцтвам выхавальніка Ірыны Яскевіч яно атрымалася вясёлым і прынесла нашым выхаванцам станоўчыя эмоцыі.

Асабліва спадабаліся беларускія дранікі. У пяты, заключны дзень, дзеці пабывалі ў гасцях у беларускіх казак. З дапамогай выхавальніка Людмілы Вялічка яны падрыхтавалі інсцэніроўку казкі “Зайкава хатка”.

А потым прымалі ўдзел у казачнай віктарыне і такім чынам змаглі прымяніць веды, атрыманыя на занятках.

Загадчык дзіцячага сада в. Ялуцавічы Данута ЗАЯЦ

Интересные и актуальные новости Зельвенского района в нашем Telegram-канале. Подписывайтесь по ссылке!

Вам может быть интересно

Комментарии отключены