Пішыце па-беларуску. Усеагульную дыктоўку на роднай мове напішуць на Гродзеншчыне 19 лютага

Цікавы праект да Міжнароднага дня роднай мовы ў Год народнага адзінства стартуе на Гродзеншчыне. Усім жадаючым прапануюць разам напісаць дыктоўку па-беларуску.

Зрабіць гэта можна будзе ў  школах, ВНУ, бібліятэках, грамадскіх аб’яднаннях. Далучыцца да праекта можна з 19 па 22 лютага. Дыктоўку будуць пісаць і актывісты БРСМ.

– Наша мэта – павысіць імкненне да вывучэння роднай мовы. Выхаванне грамадзянскай самаідэнтыфікацыі, прыналежнасці да свайго народа – тое, што неабходна культываваць у падрастаючага пакалення, – адзначыла першы сакратар Гродзенскага АК ГА «БРСМ» Ганна Сарасек.

Той, хто справіцца з заданнем лепш за ўсіх, атрымае прыз ад саюза моладзі.

ГП