Галынкаўскія школьнікі прыадкрылі сакрэт працы медыкаў

Галынкаўскія школьнікі прыадкрылі сакрэт працы медыкаў

Як і ўсе дзяўчынкі 10 класа нашай краіны, вучаніцы Галынкаўскай сярэдняй школы імя У.Ф. Дравіцы праходзілі медыцынскую практыку па вучэбнаму прадмету “Дапрызыўная і медыцынская падрыхтоўка”. Дзесяцікласніцы падышлі да выкання гэтай дзяржаўнай задачы з усёй сур’ёзнасцю і адказнасцю.

Медыцынская практыка была арганізавана на базе мясцовай амбулаторыі ўрача агульнай практыкі. У адзін з дзён адбылася сустрэча з фельдчарам модульнага ФАПА в.Снежная Данутай Аляксандраўнай Радзюн. Таксама дзяўчынкі мелі унікальную магчымасць пабываць на экскурсіі ў Зэльвенскай раённай бальніцы. Асабліва зацікавіла школьніц інфармацыя, прысвечаная лекавым раслінам.

Загадчык паліклінікі Ігар Касцюк прапанаваў пазнаёміцца з работай гінекалагічнага кабінета, пра якую расказала урач-гінеколаг Аляксандра Заяц.

Далей было прапанавана зайсці ў лабараторыю, дзе сучасная дыягностыка дапамагае “зазірнуць” унутр арганізма, разглядзець таямніцы хвароб па адной кроплі крыві і паставіць дыягназ.

Захапляльным момантам стала наведванне сімуляцыйнага кабінета. Гэта месца, дзе тэорыя сустракаецца з практыкай на сучасных робатах – сімулятарах і трэнажорах. Тут дзяўчаты адчулі сапраўдны адрэналін. Трэба было дзейнічаць хутка, каб выратаваць “пацыента”.

На ФАПе в.Снежная дзяўчынкі пазнаёміліся з дзейнасцю ўстановы, у Галынкаўскай урачэбнай амбулаторыі асвоілі первыя медыцынскія навыкі, а таксама навучыліся вымяраць ціск.

Вынікам экскурсіі сталі новыя практычныя веды, а таксама меркаванне аб працы медыкаў, аб іх штодзённым клопаце аб здароўі людзей. 

Настаўнік біялогіі Галынкаўскай сярэдняй школы імя У.Ф. Дравіцы Марыя Худзяева 

Интересные и актуальные новости Зельвенского района в наших Telegram-канале, MAX.  Подписывайтесь по ссылке!