На фестивале в Молодечно прошла презентация книги, посвященной памяти Максима Богдановича

На фестивале в Молодечно прошла презентация книги, посвященной памяти Максима Богдановича

На Нацыянальным фестывалі беларускай песні і паэзіі ў Маладзечне Мінскае гарадское аддзяленне Саюза пісьменнікаў Беларусі прадставіла кнігу «Багдановіча вечная зорка», прымеркаваную да 135‐годдзя з дня нараджэння Максіма Багдановіча — паэта, публіцыста і аднаго з заснавальнікаў сучаснай беларускай літаратуры і мовы. Зборнік падрыхтаваны ў выдавецтве «Кніжны дом», і яго дырэктар Сяргей Кузьмін асабіста прысутнічаў на прэзентацыі, піша sb.by.

У кнігу ўключаны вершы, нарысы і публіцыстычныя тэксты сучасных аўтараў з розных рэгіёнаў Беларусі, а таксама пісьменнікаў з Расіі. У кожным матэрыяле — уласнае асэнсаванне лёсу Багдановіча, яго творчай спадчыны, сувязі з роднай зямлёй і беларускай мовай. Аўтарам уступнага артыкула стаў заслужаны дзеяч культуры, старшыня Мінскага гарадскога аддзялення СПБ Міхась Пазнякоў, які ў свой час быў першым дырэктарам дзяржаўнага літаратурнага музея імя Максіма Багдановіча ў Мінску.

— Выданне аб’яднала прозу, паэзію і публіцыстыку, прысвечаныя жыццю і творчасці класіка, чыя постаць застаецца адной з ключавых у нацыянальнай культуры, — расказаў Міхась Пазнякоў. — Яго імя і зараз натхняе пісьменнікаў, журналістаў і мастакоў, а ў Мінскім гарадскім аддзяленні СПБ у яго гонар заснаваны медаль Максіма Багдановіча, якім адзначаюць выбітных дзеячаў літаратуры, культуры і мастацтва. Тут жа дзейнічае і прэмія імя Багдановіча за лепшую кнігу сярод аўтараў аддзялення, што падкрэслівае неперарыўнасць традыцыі і жывую прысутнасць класіка ў сучасным літаратурным працэсе.
Интересные и актуальные новости Зельвенского района в наших Telegram-канале, MAX.  Подписывайтесь по ссылке!