Каталіцкія вернікі святкуюць Уваскрашэнне Хрыстова (фотарэпартаж)

Вялікдзень – самае важнае свята ў каталіцкім Касцёле. Яно адзначаецца тры дні і носіць назву Святы Пасхальны Трыдуум.

У касцёле Святой Тройцы Святы Пасхальны Трыдуум распачалі ў Вялікі чацвер імшой Вячэры Пана.

Вялікая пятніца была прысвечана мукам і смерці Хрыста. Цэнтральным момантам гэтага дня была адарацыя крыжа.

Крыж у касцёле ўшаноўваецца не толькі як сімвал той вялікай цаны, якую Хрыстос заплаціў за нас, адкупляючы ўсё чалавецтва праз уласную муку і смерць.

Праз пацалунак крыжа вернікі выражаюць асабістае прыняцце выбаўлення.

У Вялiкую суботу на працягу дня зэльвенцы прыходзілі ў касцёл, каб каля гроба Пана асабіста паразважаць наконт Яго мук i смерці.

А вечарам у касцёле адбылося ўрачыстае Богаслужэнне.

Тэрэза КАВАЛЕВІЧ

Вам может быть интересно

Комментарии отключены