Віншаванне з Днём вызвалення Зэльвы ад нямецка-фашысцкіх захопнікаў ад дэпутата Валянціна Семянякі

Віншаванне з Днём вызвалення Зэльвы ад нямецка-фашысцкіх захопнікаў ад дэпутата Валянціна Семянякі 

Паважаныя жыхары Зэльвеншчыны, шаноўныя ветэраны! 

Ад шчырага сэрца віншую вас з 82-годдзем вызвалення Зэльвы ад нямецка-фашысцкіх захопнікаў! 

У гэты дзень мы выказваем словы шчырай падзякі ветэранам, якія ў час ваеннага ліхалецця мужна адстаялі нашу свабоду і незалежнасць. І ўпэўнены, што сённяшняя моцная і квітнеючая Беларусь – наш найлепшы выраз удзячнасці. 

Грозныя гады Вялікай Айчыннай вайны сталі самым суровым выпрабаваннем для ўсіх беларусаў, а наша малая Радзіма сустрэла жах крывавай бойні ўжо ў першыя яе дні. Тысячы мірных жыхароў, воінаў і партызан пахаваны ў брацкіх магілах на зэльвенскай зямлі. Высокі гонар і адказнасць для нас – людзей трэцяга тысячагоддзя – быць нашчадкамі Перамогі і славы папярэдніх пакаленняў.

Багатая гісторыя Зэльвеншчыны дазваляе нам ганарыцца зямлёй, на якой мы жывём, любіць яе і зберагаць для дзяцей і ўнукаў. Жыхары раёна свята ўшаноўваюць набыткі мінулага, праслаўляючы сваю Радзіму, свой родны пасёлак стваральнай працай, гасціннасцю і добразычлівасцю. 

Жадаю вам здароўя, дабрабыту, міру і цудоўнага святочнага настрою!

Дэпутат Палаты прадстаўнікоў Нацыянальнага сходу Рэспублікі Беларусь 

Валянцін Семяняка

Интересные и актуальные новости Зельвенского района в наших Telegram-канале, MAX.  Подписывайтесь по ссылке!