На "Свяце малака" ў Крывічах назвалі самых руплівых гаспадароў

На "Свяце малака" ў Крывічах назвалі самых руплівых гаспадароў

Свята, якое прыносіць не толькі радасць, але і карысць, прайшло ў аграгарадку Крывічы. Сёлета, па традыцыі, бібліятэкары раённай бібліятэкі шанавалі гаспадароў, якія трымаюць кароў і малаком частуюць не толькі сяльчан, але і гараджан.

Добрыя словы прагучалі ў адрас руплівых аграрыяў:  сям’і Аляксея і Юліі Касенка, якія трымаюць статак з 28 галоў, Кацярыны Мамедавай і Яўгена Ракевіча – даглядаюць 16 кароў, Ганны Лясота і Армена Пілумяна – клапоцяцца за 7 карміліцамі, Леаніда і Таццяны Сабуць, у якіх 2 жывёліны. У мінулым годзе гаспадары добра папрацавалі, аб чым сведчаць аб’ёмы здадзенай малочнай прадукцыі. Таму падчас брэндавай святочнасці намінанты выйшлі на сцэну і атрымалі заслужаныя грашовыя ўзнагароды і апладысменты.

Каб было весела і забаўляльна, вядучыя запрасілі ўсіх у гульнёвую праграму. Напрыклад, неабходна было назваць як мага больш малочных прадуктаў, падаіць хутчэй за канкурэнтку імправізаваную карову, выпіць найбольш малака. Ды і тэматычныя загадкі, пытанні віктарыны выклікалі ў прысутных цікавасць. Прызы атрымлівалі і ўдзельнікі аўкцыёна.

Брэндавае мерапрыемства суправаджалася музычнымі нумарамі ў выкананні таленавітых артыстаў Дзярэчынскага і Галынкаўскага сельскіх клубаў. Такая сяброўская атмасфера аб’яднала аднасяльчан, якія яшчэ раз падкрэслілі значнасць жыць і працаваць на роднай зямлі.

Служба інфармацыі газеты “Праца”

Фотаздымкі прадстаўлены работнікамі бібліятэкі

Интересные и актуальные новости Зельвенского района в наших Telegram-канале, MAX.  Подписывайтесь по ссылке!