Бяспека з малых гадоў: прафілактычнае мерапрыемства ў дашкольнай установе

Бяспека з малых гадоў: прафілактычнае мерапрыемства ў дашкольнай установе

У дзіцячым садзе №4 г.п. Зэльва інспектар сектара прапаганды і ўзаемадзеяння з грамадскасцю раённага аддзела па надзвычайных сітуацыях Алеся Калясінская правяла мерапрыемства па асновах бяспекі жыццядзейнасці.

У гульнёвай і даступнай форме выхаванцы дашкольнай установы асвоілі базавыя правілы паводзін пры ўзнікненні экстраных сітуацый, узгадалі нумары выкліку службаў выратавання.

 – У любой небяспечнай сітуацыі, калі патрабуецца экстраная дапамога, неабходна набіраць нумары «101» або «112», – растлумачыла прадстаўніца РАНС. - Але ні ў якім разе нельга выклікаць ратавальнікаў дзеля жарту, бо ў гэты момант камусьці па-сапраўднаму можа спатрэбіцца дапамога.

Для замацавання атрыманых ведаў сярод дзетак было арганізавана захапляльнае спаборніцтва: хто хутчэй і правільней збярэ з прапанаваных лічбаў нумар службы выратавання. Дашкаляты з цікавасцю выконвалі заданне, дэманструючы выдатнае засваенне матэрыялу. Акрамя таго, у ходзе практычнай адпрацоўкі навыку выхаванцы даведаліся, як правільна весці дыялог з дыспетчарам РАНС і што неабходна паведаміць у першую чаргу.

Працягнулася мерапрыемства праглядам і абмеркаваннем навучальных мультфільмаў з серыі «Смяшарыкі. Азбука бяспекі». На прыкладзе знаёмых персанажаў прадстаўнік выратавальнага ведамства разабрала з дзецьмі, якія гульні з'яўляюцца бяспечнымі, а якія могуць прывесці да бяды.

Асобны блок занятку быў прысвечаны вывучэнню ўстройства і прынцыпу работы аўтаномнага пажарнага апавяшчальніка. Алеся Васільеўна наглядна прадэманстравала прыбор, патлумачыла яго прызначэнне і тое, як правільна рэагаваць на гукавы сігнал. Кожнае дзіця змагло асабіста пераканацца, як працуе гэты незаменны ў побыце памагаты.

РАНС

Интересные и актуальные новости Зельвенского района в наших Telegram-канале, MAX.  Подписывайтесь по ссылке!