У аграгарадку Дзярэчын адкрылася выстава «Велікодныя традыцыі»

У аграгарадку Дзярэчын адкрылася выстава «Велікодныя традыцыі»

Зусім хутка хрысціяне ўсяго свету, а таксама жыхары нашага раёна, будуць сустракаць адно з самых светлых і чаканых святаў – Вялікдзень. У прадчуванні гэтай знамянальнай падзеі ў аддзеле рамёстваў і традыцыйнай культуры раённага Цэнтра культуры і народнай творчасці, які знаходзіцца ў аграгарадку Дзярэчын, адкрылася выстава «Велікодныя традыцыі».

Экспазіцыя ўражвае разнастайнасцю тэхнік і шырынёй творчага погляду мясцовых майстроў. Тут прадстаўлены работы, выкананыя ў розных відах дэкаратыўна-прыкладнога мастацтва: ад традыцыйнай керамікі і пластыкі з гліны да вытанчаных вырабаў з саломкі. Асаблівае месца займаюць аўтарскія карціны і дэкаратыўныя пано, прысвечаныя тэматыцы Вялікадня, а таксама ўзоры майстэрскага аздаблення велікодных яек.

Кожны экспанат – гэта вынік дбайнай працы і любові да роднай культуры. Выстава дае магчымасць далучыцца да вытокаў народных традыцый і адчуць атмасферу свята, якое набліжаецца.

Запрашаем усіх жадаючых наведаць экспазіцыю ў Дзярэчыне і ацаніць талент зэльвенскіх умельцаў.

Наталля ПАЦАЛУЙКА

Интересные и актуальные новости Зельвенского района в наших Telegram-канале, MAX.  Подписывайтесь по ссылке!