Зэльвенскія аграрыі нарошчваюць тэмпы восеньскіх работ

Зэльвенскія аграрыі нарошчваюць тэмпы восеньскіх работ

Для аграрыяў Зэльвеншчыны восень – не менш напружаная пара, чым вясеннія і летнія месяцы. Неабходна ўбраць усё, што вырашчана карпатлівай працай, куды ўкладзены немалыя сілы і срокі. Гэта добра разумеюць зэльвенскія аграрыі, таму тэмпаў сельгасработ не збаўляюць. 

Немарудзячы прыступілі да закладкі ўраджаю наступнага года. У тэрмін завяршылі сяўбу азімага рапсу на зерне. Пачалі рыхтаваць глебу пад сяўбу азімых зерневых культур на зерне, пад якія адведзена 11600 гектараў. 

Акрамя таго, аграрыі вядуць уборку саломы, кукурузы на сілас, бульбы і цукровых буракоў. Адным з першых у раёне прыступіла да ўборкі салодкіх караняплодаў дзяржпрадпрыемства “Галынка”. 

Сёлета пад гэтую культуру адведзена 400 гектараў. На палях працуе буракаўборачны камбайн ад Гарадзейскага цукровага камбіната, куды, уласна кажучы, і будуць здаваць сабраны ўраджай. Па апошніх звестках выкапана каля 80 гектараў, ураджайнасць на старце – 400 цэнтнераў.

Служба інфармацыі газеты "Праца"

Интересные и актуальные новости Зельвенского района в наших Telegram-канале, MAX.  Подписывайтесь по ссылке!