Это наша память

9 мая ў Зэльве прайшлі святочныя ўрачыстасці, прысвечаныя Дню Перамогі

Зэльвеншчына разам з усёй краінай адзначыла 68-ю гадавіну Перамогі ў Вялікай Айчыннай вайне. У гонар свята ў раёне прайшло нямала мерапрыемстваў і ўрачыстасцей, але эпіцэнтрам падзей, безумоўна, стаў пасёлак.

Ужо з самай раніцы на плошчы, у скверы і на цэнтральных вуліцах адчуваўся радасны настрой – гучала музыка, зэльвенцы віншавалі адзін аднаго. У 11 гадзін святочная калона, якую ўзначалілі прадстаўнікі мясцовай улады, накіравалася да помніка воінам і партызанам, загінулым у час вызвалення Зэльвеншчыны. Мерапрыемства пачалося з узняцця Дзяржаўнага сцяга Рэспублікі Беларусь. Сёлета гэтая пачэсная місія была прадастаўлена старшыні раённай арганізацыі беларускага аб’яднання ветэранаў Віктару Васіліцкаму, дырэктару Зэльвенскага ПМС Канстанціну Бердніковічу і дыпламанту рэспубліканскага конкурсу праектаў па эканоміі і беражлівасці “Энергамарафон-2012” вучню СШ №3 Віктару Дарафею. 

Старшыня райвыканкама Ян Пальчыс сардэчна павіншаваў зэльвенцаў з Днём Перамогі, выказаў ветэранам вайны словы ўдзячнасці за адваяваныя шмат гадоў таму мір, свабоду і незалежнасць краіны. 

 Цёплыя словы віншаванняў з нагоды свята адрасавалі ўсім прысутным старшыня раённай ветэранскай арганізацыі Віктар Васіліцкі, протаіерэй Георгій Субаткоўскі і першы сакратар раённага камітэта ГА ”БРСМ” Іна Шаўцова. У знак удзяч- насці і павагі прадстаўнікі мала-дзёжнага аб’яднання ўручылі ветэранам кветкі, чырвона-зялёныя стужкі і арыгінальна аформленыя паштоўкі.

 Хвілінай маўчання ўшанавалі ўдзель-нікі мітынгу памяць загінулых у гады Вялікай Айчыннай вайны. Затым Ян Пальчыс разам са старшынёй раённага Савета дэпутатаў Віктарам Мірончыкам, членамі райвыканкама, прадстаўнікамі працоўных калектываў, грамадскіх арганізацый, ветэранамі і моладдзю ўсклалі вянкі і жывыя кветкі да помніка. Протаіерэй Георгій Субаткоўскі адслужыў памінальны малебен па загінулых. 

Пасля завяршэння афіцыйнай часткі святочныя мерапрыемствы прадоўжыліся  на летняй эстрадзе і стадыёне “Колас”. Канцэртную праграму адкрыла тэатралізаваная кампазіцыя ў выкананні народнага хору ветэранаў вайны і працы “Успамін”, творчых калектываў устаноў культуры раёна. 

Сімвалічна, што 9 мая адбылася ўрачыстая цырымонія ўручэння павестак юнакам, якія хутка ад-правяцца на службу ва Узброеныя Сілы. Са знамянальнай па-дзеяй будучых абаронцаў Айчыны павіншавалі намеснік старшыні райвыканкама, старшыня прызыўной камісіі Валянцін Семяняка, раённы ваенны камісар Генадзій Чыгрын, першы сакратар  РК ГА “БРСМ” Іна Шаўцова.   

 Добрым падарункам для зэльвенцаў у Дзень Перамогі стаў канцэрт сталічных артыстаў Дзмітрыя Качароўскага і Стэлы. Яркім атрымалася паказальнае выступленне байцоў разведвальнага батальёна 11-й брыгады г.Слоніма па рукапашным боі. Юныя аматары спорту з устаноў адукацыі раёна прынялі ўдзел у спаборніцтвах па футболе.   

Завяршыліся святочныя мерапрыемствы канцэртам сама-дзейных артыстаў раёна і дыскатэкай. 

Віктар МАКОЎСКІ.