Аграрыі Зэльвеншчыны ў ліку першых у вобласці завяршылі першы этап касавіцы

Аграрыі Зэльвеншчыны ў ліку першых у вобласці завяршылі першы этап касавіцы

Аграрыі Зэльвеншчыны ў ліку першых у вобласці завяршылі першы этап касавіцы і,  не марудзячы, прыступілі да другога ўкосу траў. Сёлата сельгасарганізацыям раёна неабходна нарыхтаваць 4039 тон сена, 140 тысяч тон сенажу і 185 тысяч тон сіласу – усяго 92939 тон кармавых адзінак. З першага ўкосу згодна задання атрымана 45 працэнтаў сена і 43 працэнты сенажу. У разліку на ўмоўную галаву жывёлы гаспадаркі маюць у сярэднім па 6,68 цэнтнера кармавых адзінак травяных кармоў. 

У лідарах па корманарыхтоўцы міжэрыцкія і князеўскія аграрыі. Самыя вялікія кармавыя сенажаці у сельгаспрадпрыемства “Галынка”, яны займаюць 4201 гектар. Зараз у дзень галынкаўскія нарыхтоўшчыкі скошваюць па 200 гектараў траў. З мэтай мінімізацыі страт спажыўных рэчываў нарыхтоўку кармоў вядуць з прымяненнем кансервантаў. Для паляпшэння якасці і захаванасці кармоў перавагу аддаюць нарыхтоўцы сенажу ў палімерных матэрыялах. Так, у рулонах ужо знаходзіцца 257 тон энергетычна каштоўнага корму. Акрамя касавіцы, гаспадаркі Зэльвеншчыны актыўна рыхтуюцца да наступнай важнай сельскагаспадарчай кампаніі – уборкі ўраджаю. 

Служба інфармацыі газеты "Праца"

Интересные и актуальные новости Зельвенского района в наших Telegram-канале, MAX. Подписывайтесь по ссылке!