Детская библиотека объявляет конкурс
Канікулы – пара прыгод, гульняў і забаў. Між тым, гэта яшчэ і выдатная магчымасць для самаразвіцця дзяцей. Летам яны могуць атрымаць задавальненне і карысць ад знаёмства з кнігай.
Каб у час адпачынку кожны дзень побач з дзецьмі быў цікавы твор, дзіцячая раённая бібліятэка запрашае маленькіх чытачоў і іх бацькоў больш актыўна наведваць установу. Акрамя гэтага можна прыняць удзел у традыцыйным конкурсе “Лета і кніга”, які сёлета праходзіць з 1 чэрвеня па 31 жніўня.
Хлопчыкі і дзяўчынкі, якія на працягу летняга часу наведаюць бібліятэку не менш за 5 разоў і прачытаюць не менш за 15 кніг, а таксама прымуць самы актыўны ўдзел у падрыхтоўцы і правядзенні масавых мерапрыемстваў, што будуць ладзіцца ва ўстанове ў летні перыяд, стануць пераможцамі і атрымаюць узнагароды.
Марыя СІТКО,
загадчык дзіцячай раённай бібліятэкі.