«Беларусь мая сінявокая!». Яслі-сад №4 адзначыў Дзень народнага адзінства

17 верасня – свята, якое аб’ядноўвае ўсіх беларусаў. Шмат цікавых, яркіх мерапрыемстваў прайшло ў гэты дзень у ДУА “Яслі-сад №4 г.п. Зэльва”.

У сярэдняй, старшай і спецыяльнай групе для дзяцей з цяжкімі парушэннямі маўлення педагогі правялі з дзецьмі тэматычныя гутаркі «Наша моц – у адзінстве», “Дружныя Беларусы”. Выхавальнікі і дзеці казалі аб тым, што моц у адзінстве, грамадзянскай салідарнасці, патрыятызме, гатоўнасці аддаваць свае сілы, веды і талент у імя далейшага развіцця Беларусі. Усіх нас аб’ядноўвае адказнасць за лёс краіны, за захаванне традыцый і духоўных каштоўнасцяў.

Сярод выхаванцаў спецыяльнай групы групы для дзяцей з цяжкімі парушэннямі маўлення была праведзена гульня “Харавод сяброўствва, а з выхаванцамі сярэдняй групы арганізавана фізкультурная забава “Давайце жыць у адзінстве”. Выхаванцы старэйшай групы прынялі ўдзел у калектыўным віншаванні ад падрастаючага пакалення Зэльвенскага раёна “З Днём народнага адзінства”. Педагогі пастараліся паказаць падрастаючаму пакаленню, як важна любіць сваю краіну, сваю малую Радзіму.

• 

Завяршыўся святочны дзень правядзеннем музычнай забавы “Беларусь мая сінявокая!”, на якой прысутнічалі прадстаўнікі Беларускага саюза жанчын Зэльвенскага раёна. Выхаванцы з задавальненнем адгадвалі загадкі на роднай мове, танцавалі беларускія народныя танцы, спявалі беларускія песні і гулялі ў народныя гульні. Забава атрымалася душэўнай і цёплай.

А.І. Губар

Интересные и актуальные новости Зельвенского района в нашем Telegram-канале. Подписывайтесь по ссылке!